祛濕方法你要知

近年越嚟越多人注重養生，最常聽到有人話個人濕氣重、要祛濕，濕氣呢回事好似特別令香港人困擾咁，尤其喺春季、夏季，究竟點解呢？

大家又知唔知咩係體內濕氣？濕重體質又會產生啲咩健康問題？究竟飲食同生活上有咩習慣會造成身體濕重呢？

我哋會一一為大家拆解，仲會推介多款家電幫大家由外到內驅走濕氣。

如果有６個濕重症狀或以上，代表你身體濕氣重，需要注意飲食及生活習慣，改善體質，繼續睇埋以下嘅解說同祛濕建議啦～

因為飲食及生活不良習慣，令脾胃虛弱，使身體無法將代謝性廢物排出體外，長久積存於體內，濕氣濁氣彌漫體内不散，而產生以上濕重症狀，同時亦會影響身體吸收營養。另外，長期處於潮濕天氣、環境亦會比較容易令體內有濕氣。

天氣潮濕除咗牆身發霉，衣物好難乾透，更會令人因濕氣重而感到唔舒服，所以天氣好、有陽光時，要打開窗戶，保持空氣流通，有助帶走濕氣。回南天、陰天時就要開抽濕機，大家可以喺《抽濕機點揀你要知》，參考返揀機嘅注意事項、使用保養貼士。

夜瞓捱夜、睡眠不足都係導致濕重嘅原因，中醫認為最佳嘅睡眠時間係晚上11點前。加上，近年更有多款備有抽濕功能嘅冷氣機，一機多用，可以打造涼爽睡眠環境，詳情可以參考《見字早瞓仲要瞓得好》，內有更多助眠好幫手。

戒食冰凍生冷食物、油膩煎炸食物、甜食，戒飲凍飲、酒類，盡量飲食清淡，避免辛辣、濃味肥膩食物。多食健脾益氣、除濕利尿食物，如紅豆、薏仁、綠豆、冬瓜、絲瓜、扁豆等。以下有2個簡易祛濕食譜及廚房家電俾大家選擇。不過如果大家唔想買料煲湯咁麻煩，CheckCheckCin健脾祛濕嘅佛手瓜鱆魚湯就啱晒你喇～ 無添加、無防腐劑、無人工色素、無味精，翻熱即飲，好方便！而家嚟百老滙買指定產品就可以免費換到喇！請參閱活動詳細。

好多人都習慣睡前沖涼洗頭，頭髮未乾透就瞓覺，濕氣有機會從頭皮滲入體內，所以洗頭後應盡快吹乾頭髮。以下有幾款精選風筒俾大家，快快吹乾頭髮頭皮。
更多風筒 :

做帶氧運動可以加速血液循環、有助腸道、脾胃等臟腑健康，而且運動流汗係既直接而有效嘅祛濕方法。另外，日間戶外運動更可接觸太陽，有助減輕體內濕氣。以下有多款精選運動產品供大家選擇。

負面情緒有損脾胃，影響消化系統，所以大家應盡量搵方法幫自己減壓，例如運動、打機、唱歌、聽音樂、按摩等，令你放鬆心情嘅事情，但切忌以食零食為減壓方式，因為大多數係高糖、油膩食物，增加體內濕氣，適得其反。

中醫角度，早、午、晚按摩以下幾個穴位，有助身體去除濕氣，簡單易學，大家可以在家按摩袪濕不求人喇。